Horta waa yaabe dadow maxay Aduunyada u tahay gabi ahaanba arimo is daba taagan ? bal eeg weedhan oo kale qof baa ku leh :-

Adduunyaa ii Nuuraysa, iil baa daba taagan

ILAAHAY maad ka yaabtid, Akhiraa daba taagan

Soomaalidaa is dilaysa, Qabqablaa daba taagan

Maatidaa dhamaanaysa, BM baa daba taagan

Inqilaab Dowladeed, Qax & Qaxooti baa daba taagan

Hadaan sii daba raacana, Qabiil baa daba taagan

Hadaan Doodaa dhameeyana, Kursi baa daba taagan

Hadaan diirka ka qaadana, Jaahil baa daba taagan

Hadaan casriga eegana, Diin gabshaa daba taagan

Durbaan baan Maqlayaa, Cayaar baa daba taagan.

ALLA waa la is Dagaalay, Nin daqar baa daba taagan

Ciyaar aan Daawano, Muran baa daba taagan

Deeqooy Waan ku salaamay, Xodxodashaa daba taagan

Dayntaydii maa I siisid, naxdin baa daba taagan

Kaltuuntaa waan jeclaaday, kala tuur baa daba taagan

Wajigaagaa igu yaalo, Shukaansi baa daba taagan

Saldhigaan kaa dacweynayaa, Shaki baa daba taagan

Qaad baan cunayaa, Qabashaa daba taagan

Flight Baa ii diyaar ah, Xagee baa daba taagan

Bari waan safrayaa, salaamaa daba taagan

Dhakhtar waa la I hayaa, xagee baa daba taagan

Muruq baa I dilaaya, Masaajaa daba taagan

Raashiin baan cunayaa, Farxal baa daba taagan

Hargab baa igu dilaacay, Fiif baa daba taagan

Xaaji waan ku salaamay, Shaxaad baa daba taagan

Hindi baan galayaa, I badbaadiyooy baa daba taagan

Police tuug qabanaaya, Basaas baa daba taagan.

Responser Baa Iisoo Baxay, Maraykan baa daba taagan

Qaxooti baan galayaa, UN baa daba taagan

South African aadayaa, Tahluukaa daba taagan

Location baan galay, Ugaarsi baa daba taagan

Dukaan baan yeeshay, Ku qabso ku qadi maydise baa daba taagan

Dalkaygii waan u xiisay, Dagaal baa daba taagan

ALLOW Dalka, Dalka noo hagaaji , Waqtiga ma xumee dadkaa xun, ILAAHAY SWT Waxba kama xumaadaane Dadkaa xun ee dadow aan isku tashano, si aan isugu talino.