Friday 20th October 2017

Daawo Sawirrada-Wiil Da’yar Oo Soo Saaray Cilmi Cusub Oo Saynis ah.

October 10, 2017 - Written by Kulmiye

Wiil 17 jir ah oo dugsi sare ka dhigta dalka Pakistan, Shaheer Niazi, ayaa noqday qofkii koowaad ee soo saaray cunsur cusub oo ka tirsan korontada, waxaana cilmi baaristiisa lagu soo daabacay majaladda arrimaha seynista lagu faaleeyo ee Royal Society Open Science.

Inkasta oo fikradda muddo badan la yaqiinay, balse waa qofkii koowaad oo suurtogaliya in la sameeyo, islamarkaasna sawiray.

Fikradan oo loo yaqaano “honeycomb’ ama ‘ xabag barsho’ ayaa u muuqaal eg meesha ay shinnida ku keydsato malabka iyo ugxaanta, waxay suurtagashaa marka saliid lagu laro walax danad leh, halkaasina waxaa ka dhasha wax aad u qurux badan oo u eg sidii xabag barshada malabka.

Wiilkan yar ayay u suurtogashay in uu sawiro bikaacadda danadka iyo waliba heerkulka ka dhalanaya, taas oo uusan jirin qof horey u sameeyay.

Danabka loo yaqaano ‘xabag barsho’ ayaa loo siiyay leyli ahaan isaga oo ka qeybgalayay shirweynaha caalamiga ah ee cilmiga fiisikiska ee dalka Ruushka ka dhacay sanadkii hore, halkaas oo markii uu kasoo laabtay uu go’aan ku gaaray in lasoo daabaco cilmi baaristiisa.

Hal sano oo kale ayay ku qaadatay in uu naashnaasho wax soo saarkiisa ka hor intii aanan laga aqbalin in lasoo daaboco cilmi baristiisa.

“Cilmi baaristaada waa ilmaha aad dhashay oo kale, dareen farxadeed ayaana ku galaya marka la soo daabaco,” ayuu yiri Mr Niazi oo ku nool magaalada Lahore ee dalka Pakistan.

Markii ay BBC-da ku booqatay gurigiisa waxaa qolka ugu dhex rakiban qalab badan oo koronto, xarko iyo diinimo, waana meesha uu ku sameeyay tijaabooyinkiisa korontada.

Tijaabada wuxuu ku sameeyay irbad yar oo uu dul saaran oogo fidsan, halkaas oo la mariyay waxyar oo saliid ah, falgalka ka dhashayna uu sameeyo ubur iyo illeysyo danabeed oo u samaysma sidii xabag barshada oo kale.

“Waa sidii biriqda oo kale taas oo haleeshay oogada dhulka” ayuu yiri Niazi oo xusay in saliidda ay tahay waxyaabaha aanan danabta gudbin karin, hase yeeshee cadaadiska cunsuryada kale ay dhaliyaan danab. Sidaasna uu ku samaysanto maadadan cusub ee korontada.

Cilmiga cusub waxaa la sheegay in loo isticmaali doono dhanka soo saaridda dawooyinka iyo waliba aalado kale oo casri ah.

Dad badan oo da’diisa ah iskuma mashquuliyaan in ay bartaan cilmiga sidan u xeeldheer, balse Shaheer Niazi ayaa go’aansaday in fasalada caadiga ah ay yihiin kuwa lagu cajiso, isaga oo go’aansaday in uu akhriyo buugaag uu aabihiis siiyay.

Xilli hore ayuu bilaabay in uu isaga wax is baro, wuxuuna iska diiwaangaliyay fasalo internetka wax looga barto. Guriga waxaa u yaalla xoqad iyo agab kale oo tijaabooyinkiisa seyniska uu ku sameeyo.

Waa wiil aad u foojigan, maskaxdiisana waxaa markasta ka buuxa weeydiimo, wuxuuna fikrad ka heystaa sidii uu uga raadin lahaa jawaabo.

Wuxuu aad u jecelyahay muusiga iyo farshaxanka, isaga oo qalin rasaaska ku sawiro muuqaalo aad u qurux badan, wuxuuna isaga is baray sida loo garaaco biyaanada.

Ma uusan filanaynin in saxaafadda ay arrimihiisa ogaan doonto, balse hadda wuu ku faraxsanyahay in sharafta dalkiisa uu kor u qaaday.

Waxa uu rajaynayaa in uu gali doono jaamacad sumcad fiican leh si uu horey ugu sii wado cilmi baaristiisa.

Intaas oo kaliya ma ahan, wuxuu xitaa doonayaa in uu ku guuleysto abaalmarinta Nobel-ka.

“Isaac Newton wuxuu ahaa 17 jir markii cilmi baaristiisa la daabacayay, aniga waxaan jirey 16 sano markii la’iga aqbalay in lasoo daaboco cilmi baaristayda,” ayuu yiri.

SAWIRRO

Find us on Facebook
SANAAG POST TV
HEESTA TODOBAADKA
XULASHADA IYO XIISAHA MAANTA
MAQAL IYO MUUQAAL
ILA QOSOL
Codadka
Dhageyso-Dhalinyaradii Gurmadka Baaraha gobolka Mudug oo shaqadii joojiyey.    December 28, 2016
Gudi isugu jira Culimaa u diin
Dhageyso-Culimada Soomaaliyeed oo Tartanka Kubada kolayga ku Tilmaamay mid ka hor imaanaya Diinta Islaamka    December 21, 2016
Sheekh Bashiir Axmed Salaad oo
Dhageyso-Madaxwaynaha Puntland oo Sagoontiyey Labada Aqal ee Soomaaliya.    December 13, 2016
Madaxwaynaha dawlada Puntland
News in English
Important Feature-Bosaso The City of Opportunity    September 30, 2017
Bosaso is a city in the northe
Dawladda Puntland oo Dar-dar-gelin horle ku samaynaysa Tayada Shaqaalaheeda    April 11, 2017
Shir lagu gorfaynayey nooca ta
WARBIXIN+SAWIRO:- Madaxweynaha Dawladda Puntland oo safar kormeera ku tegey degaamada ay u soo hayaameen dadka abaartu saamaysay.    January 25, 2017
Madaxweynaha Dawladda Puntland

XAYEYSIIS

BBC SOMALI
VOA SOMALI